Dhulka Soomaalida Ku Nool Ethiopia Oo Laga Helay Ceel Laga Soo Saaro Gaaska Dabiiciga

Dhulka Soomaalida ka deggan yihiin Bariga Ethiopia ayaa lagu soo waramay in laga helay Ceelkaasi, oo sannadkii laga helayo dhaqaale dhan 1 BILLION oo Dollar.

Shirkad laga leeyahay Shiinaha oo lagu magacaabo Poly-GCL ayaa la sheegay inay heleen Ceelkaasi, kadib, markii ay soo af-jareen Sahminta Ceelkaasi.

Wasiirka Batroolka iyo Gaaska Dabiiciga ee Ethiopia, Motuma Mekassa ayaa u sheegay Warbaahinta dalkaasi inay rajeynayaan inay dhoofinta Gaaskaasi ee sannadka ugu horreeye ka heli doonaan 1 BILLION oo Dollar.

Waxa uu intaasi ku daray in Gaaskaasi Dabiiciga laga dhoofin doono Dekedda dalka Jabuuti.

Dhinaca kale, Dowaladda Is-maamulka Soomaalida Ethiopia ee Kilinka 5-aad weli kama hadlin Ceelka laga qoday Deegaanadooda iyo saamiga macaashka ay ku yeelan doonaan dhoofinta Gaaska Dabiiciga ee (Natural Gas).

Be the first to comment

Leave a Reply

Your email address will not be published.


*